Политика за приватност

Мој Геодет (издадена од Mak Geodet на Google Play, во понатамошниот текст „ние") е контролор на личните податоци што се обработуваат преку мобилната апликација Мој Геодет и веб-страницата mojgeodet.mk.

За сите прашања поврзани со приватноста можете да не контактирате на info@mojgeodet.mk.

При користење на апликацијата ги обработуваме следниве категории податоци:

• Податоци за профилот: име, презиме, корисничко име, е-пошта и фотографија на профилот (доколку ја поставите).
• Податоци за најава: лозинка (се чува исклучиво во заштитена, криптирана форма) и токени за сесија.
• Податоци за предметите: информации за геодетските работи што ги нарачувате — податоци за парцели и имот, адреси, документи и статуси на предметите.
• Технички податоци: основни записи за пристап (датум и време на најава) потребни за безбедно функционирање на услугата.
• Достап до уред (Камера и Галерија/Меморија): За да можете да прикачите фотографија на профилот или потребни документи за вашите предмети, апликацијата бара пристап до камерата и меморијата на вашиот уред. Овие дозволи се користат исклучиво за оваа намена.

Податоците ги користиме исклучиво за:

• креирање и одржување на вашиот кориснички профил,
• извршување на геодетските услуги што сте ги нарачале и следење на статусот на вашите предмети,
• комуникација со вас во врска со вашите предмети (вклучително е-пошта за ресетирање на лозинка),
• исполнување на законски обврски пред надлежните институции (на пр. Агенцијата за катастар на недвижности).

Обработката се врши согласно Законот за заштита на личните податоци на Република Северна Македонија, врз основа на: извршување на договор (услугите што ги нарачувате), законски обврски на фирмата и вашата согласност (за податоците што доброволно ги внесувате, како фотографија на профилот).

Вашите податоци не ги продаваме и не ги споделуваме со трети лица за маркетиншки цели. Вашите лични податоци може да бидат откриени на државни органи или надлежни институции единствено доколку сме законски обврзани да го сториме тоа (на пример, врз основа на судски налог или официјално барање од надлежен орган).

Податоците за профилот ги чуваме додека постои вашиот кориснички профил. Документацијата за извршените геодетски работи се чува во роковите пропишани со закон за таков вид документација.

Пристапот до податоците е ограничен само на овластени лица. Комуникацијата помеѓу апликацијата и серверите е криптирана (HTTPS/TLS), а лозинките се чуваат исклучиво во криптирана форма.

Во секое време имате право да побарате:

• пристап до личните податоци што ги чуваме за вас,
• исправка на неточни или нецелосни податоци,
• бришење на вашиот кориснички профил и податоците поврзани со него,
• ограничување или приговор на обработката.

Бришење на профилот можете да побарате директно во мобилната апликација или со барање по е-пошта на info@mojgeodet.mk, испратено од е-поштата поврзана со профилот. Целата постапка е опишана на страницата „Бришење на профил" (mojgeodet.mk/brisenje-na-profil). Профилот ќе биде избришан, освен податоците што сме законски обврзани да ги задржиме (документација за веќе извршени геодетски работи).

Апликацијата Мој Геодет не е наменета за лица под 18 години и свесно не собираме податоци од деца.

При измена на оваа политика, новата верзија ќе биде објавена на оваа страница со ажуриран датум на последна измена.